Canzoni

Anno: 1146

Gruppo:

Testo e musica: (Anonimo) |

Menu

• Lettera C

Chevalier, mult estes guariz,
quant Deu a vus fait sa clamur
des Turs e des Amoraviz,
ki li unt fait tels deshenors.
Cher a tort unt ses fieuz saiziz;
bien en devums aveir dolur,
cher la fud Deu primes servi
e reconuu pur segnuur.

ki ore irat od Loovis
ja mar d'enfern avrat pouur,
char s'alme en iert ea pareis
od les angles nostre Segnor.


Pris est Rohais, ben le savez,
dunt cretiens sunt esmaiez,
les musteirs ars e desertez:
Deus n'i est mais sacrifiez.
Chivalers, cher vus purpensez,
vus ki d'armes estes preisez;
a celui voz cors presentez
ki pur vus fut en cruiz drecez.

ki ore irat od Loovis
ja mar d'enfern avrat pouur,
char s'alme en iert ea pareis
od les angles nostre Segnor.


Alum conquer Moïsès,
ki gist el munt de Sinaï;
a Saragins nel laisum mais,
ne la verge dunt il partid
la Roge mer tut ad un fais,
quant le grant pople le seguit:
e Pharaon revint après:
il e li suon furent perit.

ki ore irat od Loovis
ja mar d'enfern avrat pouur,
char s'alme en iert ea pareis
od les angles nostre Segnor