Canzoni

Anno: 1925

Gruppo:

Testo: Ernesto Murolo
Musica: Ernesto Tagliaferri

Menu

• Lettera P

Piscatore 'e 'stu mare 'e Pusilleco
Ch'ogne notte mme sient' 'e cantà,
Piscatò, 'sti pparole sò llacreme
Pe' Maria ca luntana mme sta.

Dorme 'o mare. Voca, voca!
Tutt'è pace attuorno a me.
Ma pecché?
Ma pecché mm'hê lassato,
Mentr'io moro stanotte pe' tte?


Casarella d' 'o capo 'e Pusilleco,
Sponta 'a luna e te vene a vvasà.
Quanta notte aggio perzo guardannote!
Quanta juorne aggio visto schiarà!

Dorme 'o mare. Voca, voca!
Tutt'è pace attuorno a me.
Ma pecché?
Ma pecché mm'hê lassato,
Mentr'io moro stanotte pe' tte?


Zitto, oje core, ca 'nterra Pusilleco
Veco 'n'ombra ca segno mme fa.
'Na manella e 'na voce mme chiammano:
Fra 'sti bbracce Maria vò turnà.

Dorme 'o mare. Oje bella, viene!
'Ncielo 'a luna saglie e va.
Vita mia!
Vita mia, mme vuò bbene?
Ca si è suonno nun farme scetà!


Dorme 'o mare. Voca, vò!