Canzoni

Anno: 1918

Gruppo:

Testo: Giuseppe Capaldo
Musica: Vittorio Fassone

Menu

• Lettera A

Vurría sapé pecché si mme vedite
facite sempe 'a faccia amariggiata...
Ma vuje, quanto cchiù brutta ve facite
cchiù bella, a ll'uocchie mieje, v'appresentate...
I' mo nun saccio si ve n'accurgite!

Ma cu sti mode, oje Brigete
tazza 'e café parite…
sotto tenite 'o zzucchero
e 'ncoppa, amara site...
Ma i' tanto ch'aggi’ ‘avutá…
e tanto ch'aggi’ ‘a girá...
ca 'o ddoce 'e sotto ‘a tazza
fin'a 'mmocca m'hadd’arrivá!...


Cchiù tiempo passa e cchiù v'arrefreddate
'mméce 'e ve riscaldá..."Caffè squisito!..."
'o bbello è ca si pure ve gelate
site 'a delizia d’ ‘o ccafé granite...
Facenno cuncurrenza a limunata...

Ma cu sti mode, oje Brigete
tazza 'e café parite…
sotto tenite 'o zzucchero
e 'ncoppa, amara site...
Ma i' tanto ch'aggi’ ‘avutá…
e tanto ch'aggi’ ‘a girá...
ca 'o ddoce 'e sotto ‘a tazza
fin'a 'mmocca m'hadd’arrivá!...



Vuje site 'a mamma de’ rrepassatore?...
E i', bellezza mia, figlia 'e cartare...
si vuje ve divertite a cagná core…
i' faccio 'e ccarte pe' senza denare,
bella pareglia fóssemo a fá 'ammore?

Ma cu sti mode, oje Brigete
tazza 'e café parite…
sotto tenite 'o zzucchero
e 'ncoppa, amara site...
Ma i' tanto ch'aggi’ ‘avutá…
e tanto ch'aggi’ ‘a girá...
ca 'o ddoce 'e sotto ‘a tazza
fin'a 'mmocca m'hadd’arrivá!...