Canzoni

Anno: 1928

Gruppo:

Testo: Ernesto Vaser
Musica: Luigi Dell'Argine

Menu

• Lettera L

Ant' la vai che da Balrne as dëstaca,
Un giôvnot pien d'vigôr môntagnin
A ficôgna ij so Strass ant'na saca
E, pian pian, as na cala a Turin.
Sôl al mônd, senssa 'n sold, senssa scorta,
Girôland per la strà, neuit e dì,
A tambussa a côl uss, a sta porta
Fin ch'a treuva un padrôn da servì.

E sfidand le lusinghe dèi vissi,
Con cheur ferm, mach côntent d'travajè,
L'ha trova d'esse piait an servissi
Tra le file del Corp d'ij Pômpiè.
It salutô, o campion d'fibra dura,
I të sqôarsse plafôn e sôlè,
Quand la gent invasa da paura
A se 'ncala pi nen a scapè!


Quand l'incendio a distruv ogni cosa
E le fiame a sciôplis-sô pi fort,
Ti, Pômpiè, pi gigant del Mônt Rosa,
Tra le fiame i t'afrônti la mort!
Sento 'd piôr ch'am ferissô ij ôrije,
Dle vôs rauche, d'ij crij disperà!
Sento ij urli d'intere famije,
Che ti 't salve dal meuire brusà !

Sento 'ncôra arbômbeme ant'la testa
Le parole d'un to superiôr
Ch'a t'aclama, tël mes d'una festa,
Decora dla midaja al valor!
O eroe dël fusil, dla mitraja !
O superbi sôldà dël canon!
Anche 'l feu a l'è 'n camp 'd bataja
E 'l Pômpië l'è n'eroe dabôn !