Canzoni

Anno: 1894

Gruppo:

Testo: Federico Bussi
Musica: Camillo Ronchi

Menu

• Lettera A

Quand s’era piscinin
Gh’aveva i cavej d’or,
E per la mia mammin
Mi s’era on gran tesor.

M’han ditt che sora i spali
Gh’aveva on gran teston,
Minga rotond de ciall,
Ma guzz, de talenton.

Ah che stellasela d’ora,
Mi me sentiva a di,
Se l’è on tesor a st’ora,
Coss’el sarà on quai di!


Mi s’era on balossett,
Perché mi me piaseva,
Pussee i bei tosanett,
Di amis che mi gh’aveva!

Se andava alla scoletta
Col pomm in del cestin,
La scola che la spetta !
Scappava in di Giardin.

Ah che stellasela d’ora,
Mi me sentiva a di,
Se l’è on tesor a st’ora,
Coss’el sarà on quai di!


Mi s’era on gran curios,
Col vizi de spià,
Pussee de tucc golos,
Voreva tutt sagià.

E peli e scorz mangiava,
Ranzaj d’ogni color,
Pceu stava mal, pceu stava.
E me toccava... cor.

Ah che stellasela d’ora,
Mi me sentiva a di,
Se l’è on tesor a st’ora,
Coss’el sarà on quai di!


Mi sgraffignava tucc,
Mi dava via pesciad,
Spongeva cont i gucc,
Tirava di sassad.

Rompeva i me belee
E qui di me compagn,
Faseva el carrocee
Saltand su tutt i scagn.

Ah che stellasela d’ora,
Mi me sentiva a di,
Se l’è on tesor a st’ora,
Coss’el sarà on quai di!


E guaja a toccamm dent
Vosava mé’n danaa!
Drovava fina i dent,
Pareva on can rabiaa.

Ma per la mia mammin,
Eren prodezz... virtù,
Pussee fava el ciapin,
Pussee s’era on caffù.

Ah che stellasela d’ora,
Mi me sentiva a di,
Se l’è on tesor a st’ora,
Coss’el sarà on quai di!