Canzoni

Anno: 1912

Gruppo:

Testo: Libero Bovio
Musica: Rodolfo Falvo

Menu

• Lettera E

Nun appena o' bastimento
cchiù luntano fuie d' 'a terra.
una voce se sentette
miez' 'o mare: Guerra! Guerra!

E 'o cchiù figliulo 'e.tutte' e marenare
all'intrasatto, cu 'na guappa mossa,
se sponta 'a blusa, e 'a sotto accumparesce
bello e gentile cu 'a cammjsa rossa.

Cammisa rossa
ca miez' o' mare
cchiù cummuvente,
cchiù rossa pare.
Tu sì 'a Bannera,
Tu sì 'a Vittoria
si tutt' 'a Storia
d' 'a Libertà!


'Ncopp' "a terra scanusciuta
schiara iuorno a ppoco a ppoco...
Benedico! 'E marenare
so sbarcate sott' o' ffuoco !

'E 'o cchiù figliulo ch'è sbarcato o' primrno
cade p' 'o primmo... e ccade vincitore...
Ridendo ll'uocchie belle... e suspiranno
Napule — chiamma — Napule!... — e pò more.

Cammisa rossa
ca miez' o' mare
cchiù cummuvente,
cchiù rossa pare.
Tu sì 'a Bannera,
Tu sì 'a Vittoria
si tutt' 'a Storia
d' 'a Libertà!


Gloria ! Gloria ! 'O Generale
s'è scetato, - e da Caprera
s'è partuto - mo fa ll'anno
pè viglia sott' 'a bannera...

E' nun se vede, ma se sente 'a voce...
parla... cumanna... smove 'e marenar:
«Italia!... Italia! Italia!... ch'est'é l'ora.
Gloria, Garibaldine 'e miez' 'o mare !

Cammisa rossa
ca miez' o' mare
cchiù cummuvente,
cchiù rossa pare.
Tu sì 'a Bannera,
Tu sì 'a Vittoria
si tutt' 'a Storia
d' 'a Libertà!