Canzoni

Anno: 1935

Gruppo:

Testo e musica: E. A. Mario

Menu

• Lettera S

Tu ch’è ditto, Salassiè?
Ca pe’ fforza vuò fa’ ‘o Rre?
Ma ch’hè ‘a fa’!
Passa lla!
Llocco non può sta’ ...
Ma tu quanno ‘o vvuoi capì
ca pe’ fforza te nn’hè ‘a i’?
Vaje ccà e llà
pe’ parlà
senza serietà ...


Ma che ce tiene dint’ ‘e cervella,
Sellassiè?
Te cride ca fernesce a ghiacuvella,
Sellassiè?
Tu, insomma, piglie ‘a cosa pella pella,
Sellassiè!
E tu cu chesta capa vuò fa’ ‘o Rre?
Vattè!


Ogne Rre ca vò rigna’,
sceglie gente ‘e qualità,
p’’e assenti,
pe’ capi
comme s’ hadd’ aggì;
ma chi guarda attuorno a te
nun te piglia maje pe’ Rre:
schiave ‘a ccà,
schiave ‘a llà,
rrobba can un va!

Gente ‘e ll’Europa ch’ha perduto ‘o scuorno,
Sellassiè!
Minestre nire e scàuze notte e ghiuorno,
Sellassiè!
Chest’è mazzamma ca t’hè miso attuorno,
Sellassiè!
E tu cu sta mazzamma vuò fa’ o Rre?
Vattè!


Ll’annurata Società
ca a Ginevra ancora sta,
nnanze a te
fa ‘e sciassè ...
cose ‘a stravedè!
Ma ll’Italia ‘o ssaje che fa?
Che vò dì
si accussì
chella poi fallì?

Li’Italia d’ogge canta « Giovinezza »,
Sellassiè!
E’ acciaro ‘e tempra: spezza, e nun se spezza,
Sellassiè!
Chi mo ‘a guverna, è n’Ommo ca s’apprezza,
Sellassiè ...
E tu contro a chist’Ommo vuò fa’ o Rre?
Vattè!