Canzoni

Anno: 1914

Gruppo:

Menu

• Lettera A

Aprite 'e barcune, - cacciate 'e bandiere.
e 'e patria cantate - 'e cante d' ajere.
Cantate : - cchiù nuove - so' 'e Italia 'e destino
e tutte vicine - na pace a ppurtà...
'E ll' Africa 'e tterre - apierte ànno 'e surche,
ma 'a trista semmenza - nun spanneno 'e turche.
Ca, 'ddò cchiu è ffaica - 'e ggente cujete,
cchiu 'e gioia è na sete - ch'ardente e 'a durà.
Lia, nnanz' 'a Sicilia, - ua terra era schiava
e fforte sunnava — d'ave libertà !

Cantate ca : - pure - a Italia jarranno
'e figlie (1) che, 'a tiempo, - so' ghiute penanno
E ccercano' 'a mamma - nun tarde - n'aiuto,
p' 'o suonno ch' 'è ghiuto - cchiù bello a schiara.
I' canto: ch'è ssanta, - ch'è giusta, ch'è bella,
d' 'a patria scetata, - 'sta causa nuvella
Pecche n' ata vita — ll' aspetta cchiù certa,
'ddò 'o munno ll'à aperta - na via 'e civiltà.
Mo 'a giovine Italia - è a Tripoli amica
'e Roma ll'antica - soi 'gloria a tturna !

Sarrà cchiù dimane - 'o bene 'e ogne bene,
ca tutto p' 'o munno - se spanne e nce vene,
E cchiù p' 'a fatica - 'o regno 'e l'ammore,
'ddò 'e juorne song'ore - 'e gioì' cchiù a lassa.
E 'o suonno sunnato — da tanta assai' gente
jarrà certamente, - a 'o sole a spuntà,
e tutte, pe mmare - o tterre luntane,
iarranno dimane — ricchezze a rrestà.
Cantate : - mo 'a patria - na pagina à scritto
e nuovo deritto — venuto a ssignà !


Note:
(1) I figli delle terre irredente.