Canzoni

Anno: 1918

Gruppo:

Testo: B. U. Netti (Canetti)
Musica: Vittorio Fassone

Menu

• Lettera S

Sò turnato d’ ‘e ffruntiere...
doppo tante pene amare...
i te veco e nun me pare
ca tu staie vicino a me !

Tu me guardo... e nun ce cride ?
ca turnato songo a te!

Mari, Mari,
Nun trovo parole pe' te di...
T’ ‘o giuro 'ncopp’ ‘o bene ca te voglio.
J' so' turnato pe' muri cu te !


M’ ‘o diceva chistu core :
Chella overo te vo' bbene...
chiagne! aspetta! soffre pene, —
c’ ‘a speranza 'e te vedè !

Nun te 'nganna... nun te lassa...
tutta 'a vita ha dato a te !

Mari, Mari,
Nun trovo parole pe' te di...
T’ ‘o giuro 'ncopp’ ‘o bene ca te voglio.
J' so' turnato pe' muri cu te !


Sta medaglia ca me sbrenne
'ncopp’’o core... vasatella...
Pe st' Italia forte e bella...
cuoglie rose e dalle 'o Rre !

Trieste e Trento so' d’ ‘e nuoste...
comme io so' d’ ‘o tuio, Mari !

Mari, Mari,
Nun trovo parole pe' te di...
T’ ‘o giuro 'ncopp’ ‘o bene ca te voglio.
J' so' turnato pe' muri cu te !